Pam pleidleisio?

Pan fyddwch chi’n pleidleisio ar 7 Mai 2026, byddwch chi’n datgan eich barn ar y pethau sy’n bwysig i chi.

Mae gwleidyddion yn y Senedd yn gyfrifol am gymaint o bethau sy’n effeithio ar ein bywydau. Pleidleisio mewn etholiad yw’r ffordd rydym yn dewis pwy yw’r gwleidyddion hynny.

Diwrnod yr etholiad

Ar ddiwrnod yr etholiad, bydd y grym yn eich dwylo chi, ac mae gan bob pleidleisiwr un bleidlais gyfartal.

Bydd nifer y seddi y mae pleidiau gwleidyddol yn eu hennill yn etholiad y Senedd yn cyfateb yn agos i nifer y pleidleisiau y maen nhw’n yn eu cael.

Mae rhai pobl yn newydd i bleidleisio, rhai erioed wedi pleidleisio o’r blaen, a bydd rhai pobl wedi bod yn pleidleisio ers blynyddoedd.

Rhesymau dros bleidleisio

Ond beth yw’r rhesymau mae pobl yn eu rhoi dros bleidleisio mewn etholiadau?

• I ddylanwadu ar bolisïau addysg, iechyd, tai a mwy

• I gefnogi’r blaid wleidyddol neu’r ymgeisydd annibynnol rydych chi eisiau iddynt ennill

• I sicrhau bod gwleidyddion yn gwneud eu gwaith yn dda – gallwch bleidleisio yn eu herbyn os nad ydych yn credu eu bod yn gwneud hynny

Mae etholiad y Senedd ar 7 Mai 2026 yn gyfle i chi ddweud eich dweud.