Hysbysiad cyfreithiol y wefan

Gwefan

www.bwrwpleidlais.cymru / www.vote.wales

Gweithredwr

Bwrdd Rheoli Etholiadol Cymru

Mae Bwrdd Rheoli Etholiadol Cymru (BRhE) yn rhan o Gomisiwn Democratiaeth a Ffiniau Cymru (y Comisiwn), corff annibynnol a noddir gan Lywodraeth Cymru. Mae’r BRhE a’r Comisiwn yn gweithredu’n annibynnol o Lywodraeth Cymru, y Senedd, a phob plaid wleidyddol yng Nghymru.

Pwrpas y wefan

Crëwyd bwrwpleidlais.cymru / vote.wales gan Fwrdd Rheoli Etholiadol Cymru i ddarparu gwybodaeth ddiduedd, gywir a dibynadwy ar gyfer pleidleiswyr. I gael mwy o wybodaeth am y wefan, ewch i'r dudalen yma.

Mae’r wefan wedi’i chynllunio i fodloni’r gofynion ar gyfer Platfform Gwybodaeth am Etholiadau Cymreig fel y nodir mewn deddfwriaeth. Ar gyfer etholiadau’r Senedd ac etholiadau Prif Gynghorau, mae’n rhaid i’r wefan gyhoeddi:

• hysbysiadau etholiad swyddogol a gyhoeddir gan Swyddogion Canlyniadau

• lleoliad gorsafoedd pleidleisio a gwybodaeth am bwy sydd â hawl i bleidleisio yno

• trefniadau hygyrchedd mewn gorsafoedd pleidleisio

• gwybodaeth am ymgeiswyr a phleidiau gwleidyddol cofrestredig sy’n sefyll yn yr etholiad

• anerchiadau etholiadol pleidiau gwleidyddol ac ymgeiswyr annibynnol

• canlyniadau etholiad

Gall y wefan hefyd gyhoeddi unrhyw wybodaeth sy’n cefnogi cymryd rhan mewn etholiadau a phrosesau democrataidd.

Telerau defnydd

Mae’r Bwrdd Rheoli Etholiadol yn anelu i sicrhau fod bwrwpleidlais.cymru / vote.wales ar gael bob amser (24 awr y dydd, 7 diwrnod yr wythnos). Fodd bynnag, nid yw’r BRhE yn derbyn unrhyw atebolrwydd os na fydd y wefan ar gael am unrhyw gyfnod. Gall y BRhE atal y wefan ar unrhyw amser ar gyfer cynnal a chadw, methiannau system, neu unrhyw reswm arall a ystyrir yn angenrheidiol.

Drwy gael mynediad i’r wefan hon, mae defnyddwyr yn cytuno i’w defnyddio yn gyfreithlon ac yn gyfrifol. Ni ddylai defnyddwyr:

• ymyrryd â neu amharu ar y wefan neu ei nodweddion diogelwch

• gamddefnyddio unrhyw wybodaeth a ddarperir ar y wefan

• geisio cael mynediad i ardaloedd cyfyngedig neu ardaloedd o'r system nad ydynt yn gyhoeddus

Gall defnyddwyr weld, argraffu a lawrlwytho rhannau o’r wefan hon at ddefnydd personol, anfasnachol, ar yr amod:

• nad yw’r cynnwys wedi’i addasu

• na chaiff unrhyw ran o’r wefan ei chopïo, ei gwerthu, ei phrydlesu, ei rhentu, ei thrwyddedu, ei dosbarthu na’i neilltuo i unrhyw drydydd parti mewn unrhyw ffordd arall.

Mae’r BRhE yn cadw’r hawl i ddiwygio neu ddiweddaru’r telerau hyn ar unrhyw amser.

Cywirdeb gwybodaeth

Mae’r Bwrdd Rheoli Etholiadol yn anelu i sicrhau fod y wybodaeth ar bwrwpleidlais.cymru / vote.wales yn gywir, yn diduedd a chyfredol. Fodd bynnag, darperir rhywfaint o’r data gan sefydliadau allanol y mae gan y BRhE reolaeth gyfyngedig drostynt. Mae’r wybodaeth ganlynol wedi ei ddarparu gan ffynonellau allanol:

Swyddogion Canlyniadau (wedi’u penodi yn annibynnol i gynnal etholiadau)

• data gorsafoedd pleidleisio, gan gynnwys gwybodaeth hygyrchedd

• hysbysiadau etholiadol swyddogol

• gwybodaeth ymgeiswyr

• canlyniadau cyfrif

Democracy Club (cwmni buddiant cymunedol sy’n darparu gwybodaeth etholiadol annibynnol ar draws y DU)

• darperir gwybodaeth am ddyrannu, cyfeiriad a hygyrchedd gorsafoedd pleidleisio gan Swyddogion Canlyniadau ac fe’i prosesir a’i rheolir gan y Democracy Club

Comisiwn Etholiadol (corff annibynnol sy’n goruchwylio etholiadau a rheoleiddio pleidiau gwleidyddol yn y DU)

• darperir arwyddluniau pleidiau a arddangosir ar dudalennau gwybodaeth ymgeiswyr gan y Comisiwn Etholiadol

Anerchiadau Etholiadol – Cyfrifoldeb pleidiau gwleidyddol neu ymgeiswyr yw’r Anerchiadau Etholiadol a gyhoeddir ar bwrwpleidlais.cymru / vote.wales.

• Yn naturiol, mae Anerchiadau Etholiadol yn ddeunydd ymgyrchu gwleidyddol ac felly nid ydynt yn wleidyddol niwtral.

• Ni all y BRhE ddiwygio, golygu nac ymyrryd â’r anerchiadau hyn.

• Mae deddfwriaeth yn gwahardd cynnwys sy’n anweddus, yn dramgwyddus, neu fel arall yn anghyfreithlon.

• Mae’r BRhE yn adolygu pob anerchiad cyn eu cyhoeddi, ond mae’r cyfrifoldeb cyfreithiol am y cynnwys ar yr ymgeisydd, neu’r ymgeiswyr, a’u hasiant etholiadol.

Safonau'r Gymraeg

Mae’r BRhE yn cydymffurfio gyda Safonau’r Gymraeg lle bo’n berthnasol. Cyhoeddir yr holl ddeunydd sydd o fewn rheolaeth y BRhE yn Gymraeg a Saesneg.

Eithriadau:

Mae rhywfaint o ddeunydd y tu hwnt i reolaeth y BRhE sy'n golygu bod rhywfaint o wybodaeth yn cael ei chyhoeddi yn Saesneg yn unig ar dudalennau Cymraeg. Gallai'r wybodaeth yma gynnwys:

• Data gan Swyddogion Canlyniadau – ni ddarperir yr holl wybodaeth yn ddwyieithog. Nid yw Swyddogion Canlyniadau yn ddarostyngedig i Safonau’r Gymraeg.

• Anerchiadau Etholiadol – mae gan bleidiau gwleidyddol ac ymgeiswyr ddewis i gyflwyno eu hanerchiadau yn Gymraeg, yn Saesneg, neu yn y ddwy iaith.

Dolenni allanol

Mae bwrwpleidlais.cymru / vote.wales yn cynnwys dolenni i wefannau allanol. Dim ond i bartneriaid y gellir ymddiried ynddynt y darperir rhain, fel Llywodraeth y DU a’r Comisiwn Etholiadol. Fodd bynnag, nid yw’r BRhE yn rheoli nac yn gyfrifol am gynnwys, diogelwch nac arferion preifatrwydd gwefannau allanol.

Eiddo deallusol

Oni nodir yn wahanol:

• Mae holl ddeunydd, testun, graffeg a deunydd arall ar y wefan hon yn berchen i neu wedi eu trwyddedu i’r BRhE

• Gall defnyddwyr lawrlwytho cynnwys at ddefnydd personol, anfasnachol

• Gwaherddir atgynhyrchu neu ailddosbarthu at ddibenion masnachol heb ganiatâd ysgrifenedig ymlaen llaw

Darperir arwyddluniau pleidiau a arddangosir ar y wefan gan y Comisiwn Etholiadol. Cysylltwch â’r Comisiwn Etholiadol i ddefnyddio’r arwyddluniau mewn mannau eraill.

Preifatrwydd a diogelu data

Prosesir unrhyw ddata personol a gyflwynir i bwrwpleidlais.cymru / vote.wales yn unol â Rheoliad Cyffredinol y DU ar Ddiogelu Data (UK GDPR), Deddf Diogelu Data 2018 a Pholisi Preifatrwydd y Wefan.

Nid yw dolenni i wefannau allanol wedi’u cynnwys yn ein Polisi Preifatrwydd. Dylai defnyddwyr wirio datganiadau preifatrwydd unrhyw wefannau trydydd parti maent yn eu defnyddio.

Dewch o hyd i hysbysiad preifatrwydd y wefan yma [dolen i'w gyhoeddi yn fuan].

Hygyrchedd

Mae’r BRhE yn ymrwymedig i sicrhau fod y wefan yn hygyrch i gynifer o ddefnyddwyr â phosibl.

Dewch o hyd i’r Datganiad Hygyrchedd yma [dolen i'w gyhoeddi yn fuan].

Cyfraith lywodraethol

Crëwyd y wefan hon yn unol â dyletswydd statudol Bwrdd Rheoli Etholiadol Cymru i ddarparu Platfform Gwybodaeth am Etholiadau Cymreig. Mae’r gofynion cyfreithiol sy’n llywodraethu’r platfform yma wedi eu nodi yn Rheoliadau’r Platfform Gwybodaeth am Etholiadau Cymreig 2025.

Cysylltu â ni

Os oes gennych unrhyw ymholiadau, pryderon, neu gwynion am y wefan cysylltwch â ni ar:

Cyfeiriad e-bost – brhe@cdffc.llyw.cymru

Cyfeiriad postio - Comisiwn Democratiaeth a Ffiniau Cymru, 4ydd Llawr, Adeilad Llywodraeth Cymru, Parc Cathays, Caerdydd, CF10 3NQ